Desde os nosos inicios en 1922, cando José Ramón Pérez Cid e Ramón Pérez Rumbao fundaron a empresa coa venda de camións, recambios e maquinaria agrícola, Pérez Rumbao foi un referente no sector da automoción.

Esta visión emprendedora levounos a explorar e a consolidarnos en novas áreas, como a fabricación de produtos alimenticios e cámaras pneumáticas na década de 1940 ou a apertura da nosa primeira gasolineira en Ourense en 1947, situada na emblemática rúa Progreso.

Anos despois, en 1950, comezamos a comercializar as populares motocicletas Guzzi Hispania. Pouco despois, unímonos á distribución de vehículos PEGASO e SEAT para sentarmos as bases para un crecemento sostido no sector da automoción.

En 1960 iniciamos a actividade de venda de butano en Ourense e en 1964 expandíonos tamén a Vigo. A finais desta década abrimos a nosa segunda gasolineira na zona de Mariñamansa, Ourense. Nos 70 renovamos as nosas oficinas centrais e adquirimos a nosa primeira computadora, unha modernización importante naqueles anos.

O noso espírito de crecemento e innovación mantívose vivo coa entrada de novas marcas e fusións estratéxicas. En 1998, a fusión de Inturasa e Pérez Rumbao VISA-Iveco fortaleceu a nosa presenza no mercado. O nacemento de Fiateira traeu consigo a representación de importantes marcas como FIAT, Alfa Romeo, Lancia e Fiat Pro. Co paso do tempo, sumáronse aínda máis marcas ao noso portafolio. Nesta década nace UNVI, que nos converte en fabricantes de carrozarías de autobuses.

A medida que o século XXI avanza, Pérez Rumbao continúa apostando pola mobilidade sostible e a expansión territorial. Nos últimos anos, sumamos marcas como MAN, Volvo Trucks, SKODA, Citroën e MG ao noso catálogo en cidades clave como A Coruña, Santiago, Vigo e Oviedo. Ademais, incorporáronse marcas de vehículos emerxentes como BYD e EBRO.